VIAXAREI CONTIGO

Contaxio de penas

poucos agarimos

quen dera apertarte

quen dera, meu amigo.

Coñecer o mundo

no que vives, vivo

en profunda ansia

de entrar e sentilo.

Collereite as mans

sucias de aloumiños

e as pegadas mornas

seguindo o camino

deixarei ás portas:

pisa onde eu piso.

Se me ves lonxe

perdida do sitio

descifrando mapas

arredor do limbo,

non sintas o medo

porque te respiro

e malia a distancia

viaxarei contigo.